Forstjóri og tveir starfmenn Matvælastofnunar hafa sent kæru á hendur einstaklingi til lögreglunnar á Norðurlandi eystra.

Kæran er send vegna greinar sem birtist á vefmiðlinum Visir.is 16. júlí síðastliðinn.

„Í greininni segir að starfsfólk stofnunarinnar skaki sér í skrifstofustólum svo skrjáfi í seðlunum sem norskir auðkýfingar hafi stungið í vasa þeirra um leið og þeir skrifi upp á rekstrarleyfi til fiskeldis í Ísafjarðardjúpi þrátt fyrir mótmæli Vegagerðarinnar og Landhelgisgæslunnar,“ segir í tilkynningu frá Matvælastofnun.

Þar segir einnig að stofnunin vinni faglega að umsóknum um rekstrarleyfi til fiskeldis og veiti rekstrarleyfi til fiskeldis ef umsóknir uppfylli skilyrði laga og reglugerðar, samkvæmt hlutverki stofnunarinnar.

„Forstjóri stofnunarinnar og starfsmenn sem komu að meðferð og útgáfu rekstrarleyfisins telja að með framkominni aðdróttun sé alvarlega vegið að heiðri og æru þeirra og því verði ekki komist hjá öðru en að kæra skrifin til lögreglu,“ segir jafnframt í tilkynningunni.

Tengdar fréttir

Fiskeldi

Þróa aðferð til framleiðslu á geldlaxi

• Stórfellt laxeldi áformað
• Stýrir sölu- og markaðsmálum First Water
• Hafnar ásökunum forstjóra MAST
• Vestfirðirnir hafa fengið vind í seglin

» Fleiri tengdar fréttir

• Blogga um frétt