Síldarvinnslan kaupir Þóri SF af Skinney-Þinganes

Útgerðarfélagið Skinney-Þinganes á Höfn í Hornafirði hefur selt ferskfisktogarann Þóri SF til Síldarvinnslunnar á Neskaupsstað.  

Tilkynning þess efnis var birt á vef Síldarvinnslunnar í gær, þar sem fram kemur að skipið fái nafnið Birtingur NK. Skipið var smíðað árið 2009 í Taívan. Gagngerar endurbætur voru gerðar árið 2019. Það var meðal annars lengt um 10 metra, bakki yfirbyggður, brúin stækkuð og íbúðir og önnur aðstaða áhafnar endurbætt að miklu leyti. 

Þá hefur skipið fullkominn vinnslubúnað frá Micro ehf. þar sem aflinn er meðal annars stærðarmetinn og tegundargreindur, segir enn fremur í tilkynningu Síldarvinnslunnar.   

• Blogga um frétt