Hvalur hf. sækir um leyfi til hvalveiða
Setja bókamerki
/frimg/1/57/62/1576201.jpg)
Hvalur hf. hefur sótt um leyfi til matvælaráðuneytisins til veiða á langreyði og óskar eftir því að leyfið verði ótímabundið, ellegar að það gildi til tíu eða fimm ára og framlengist sjálfkrafa um eitt ár í senn við lok hvers starfsárs. Svo segir í umsókn fyrirtækisins sem Morgunblaðið hefur undir höndum.
Umsóknina sendi fyrirtækið ráðuneytinu um miðja þessa viku.
Leyfi til lengri tíma
Í henni segir að fyrirtækið telji eðlilegt að veitt sé leyfi til lengri tíma þar sem með því sé „tryggður eðlilegur fyrirsjáanleiki í rekstri og starfsemi Hvals, þ. á m. að virtum stjórnarskrárvörðum réttindum Hvals, félaginu og starfsfólki þess til bóta,“ eins og komist er að orði í umsókninni.
Í henni er rifjað upp að ráðuneytið veitti fyrirtækinu leyfi til hvalveiða þann 11. júní sl., en þá aðeins til eins árs. Kvartaði fyrirtækið undan þeirri málsmeðferð til umboðsmanns Alþingis, sem í framhaldinu beindi spurningum til ráðuneytisins sem vörðuðu málsmeðferð þess við leyfisveitinguna. Vísað var til þess að allt frá árinu 2009 hefðu leyfi til hvalveiða ævinlega verið gefin út til fimm ára í senn og þess óskað að ráðuneytið útskýrði hvaða málefnalegu sjónarmið hefðu legið að baki því að takmarka veiðileyfið við eitt ár. Einnig hvort og þá hvernig mat hefði verið lagt á meðalhóf við ákvarðanatökuna, með hliðsjón af atvinnuhagsmunum Hvals.
Lesa má nánar um málið í Morgunblaðinu í dag, laugardag.
Enginn þolenda mansalsins þáði aðstoð lögreglu
„Frussan“ var algjört lykilatriði á göngunni
Enginn slasaður eftir byssuskotið
Mælir fyrir breytingum á veiðigjaldafrumvarpinu
Raunhæft að leyfi liggi fyrir eftir fjórtán vikur
Ólíkar skoðanir á beitingu ákvæðisins
Tilfinningaþrunginn dagur
Ríkislögreglustjóri nú á 11 stöðum í borginni