Strandríkin, Ísland, Noregur, Bretland, Færeyjar, Grænland og Evrópusambandið hafa komist að samkomulagi um að heildarkvóti í makríl verði ekki meiri en 576.958 tonn á næsta ári sem er 22% minnkun frá yfirstandandi ári.

Þetta var niðurstaða fundar ríkjanna sem haldinn var í London 21. og 22 . október síðastliðinn og greint er frá á vef norska atvinnu- og sjávarútvegsráðuneytisins.

Samkomulagið er í samræmi við ráðgjöf Alþjóðahafrannsóknaráðsins (ICES) en mun líklega ekki sjá til þess að veiða verði innan þessa ramma. Þar sem engir samningar eru um skiptingu kvótans milli ríkjanna  úthluta strandríkin sjálfstætt kvóta til sinna skipa í samræmi við þá hlutdeild sem ríkin telja sig eiga tilkall til. Samanlagt úthluta ríkin kvóta til fiskiskipa umfram ráðgjöfina og samkomulagið um heildarkvóta.

Frétt af mbl.is

Leggur til 22% lækkun á makrílveiðum

Síðastliðið sumar gerði Noregur, Færeyjar og Bretland samkomulag til þriggja ára þar sem ríkin skiptu milli sín því sem jafngildir 72% af heildarkvóta í makríl.

Ísland og Evrópusambandið hafa gagnrýnt samninginn harðlega þar sem Norðmenn og Færeyingar hafa óhóflega aukið þá hlutdeild sem ríkin gera tilkall til. Eru Norðmenn meðal annars sagðir hafa aukið sína kvóta einungis í þeim tilgangi að geta selt Bretum hann í skiptum fyrir aðgengi að breskri lögsögu.

Samningaviðræður strandríkjanna halda þó áfarm og er búist við að næsti fudnur verði í desember.

Frétt af mbl.is

Skiptu milli sín 72% af makrílstofninum

Sami vandi í kolmunna og síld

Fyrr í mánuðinum greindi norski miðillinn Fiskeribladet frá því að samkomulag hefði náðst milli ríkjanna um 1.447.054 tonna heildarkvóta í kolmunna árið 2025 í samræmi við ráðgjöf ICES um 5,4% skerðingu frá yfirstandandi ári.

Þá hefur einnig náðst samkomulag milli Íslands, Færeyja, Grænlands, Evrópusambandsins, Noregs, Bretlands og Rússlands um 401.794 tonna heildarkvóta í norsk-íslenskri síld á næsta ári. Það er í samræmi við ráðgjöf ICES um kvótaaukningu, en ráðgjöf vegna ársins 2024 nemur 390 þúsund tonnum.

Í tilfelli þessa tveggja stofna er einnig ofveiði vandamál í ljósi þess að ekki eru samningar til staðar um skiptingu kvótans milli ríkjanna. Er því kolmunna- og síldarkvóta úthlutað sjálfstætt.

Útbreiðsla kolmunna makríls og norsk-íslenskrar síldar. Engir samningar eru til staðar um skiptingu aflahlutdeildar milli strandríkjanna. Kort/mbl.is

Tengdar fréttir

Makrílveiðar

Mótmæla sniðgöngu og segja aðra bera sök

• Mæla gegn neyslu makríls
• Norðmenn sæta harðri gagnrýni í Evrópu
• 130 þúsund tonna upphafskvóti í makríl
• Fá að færa 25% makrílkvótans á næsta ár

» Fleiri tengdar fréttir

• Blogga um frétt