Helmingur telur leyfisveitingu óeðlilega
Setja bókamerki
Rúmlega helmingur aðspurðra telur óeðlilegt að ráðherra í starfsstjórn gefi út nýtt leyfi til veiða á langreyðum.
Þetta kemur fram í tilkynningu frá Náttúruverndarsamtökum Íslands en þar segir frá nýrri könnun Maskínu þar sem niðurstaðan var þessi:
51% svöruðu að umrædd leyfisveiting væri óeðlileg. Tæp 30% sögðu hana eðlilega en 19% tóku ekki afstöðu til spurningarinnar.
„Sérkennileg stjórnsýsla“
„Það væri afar sérkennileg stjórnsýsla að, Bjarni Benediktsson starfandi matvælaráðherra í starfsstjórn, gæfi út leyfi til veiða á langreyðum til næstu 5 eða 10 ára samkvæmt lögum sem hafa staðið óbreytt í 75 ár og virti þar með að vettugi vinnu starfshóps um hvernig megi færa lög um hvalveiðar í átt til nútímans,“ segir í tilkynningu Náttúruverndarsamtaka Íslands.
Þar segir einnig að slík ákvörðun myndi binda hendur íslenskra stjórnvalda jafn lengi og hugsanlegt leyfi gildir. Slík ákvörðun standist ekki kröfur um nútíma stjórnsýsluhætti.
Lögregla við það að glutra um 137 milljónum króna
Grásleppufrumvarpi fálega tekið
Fyrirhugaður kláfur án fordæma hér á landi
Alltof geyst farið í hækkun veiðigjalda
Miðbærinn eyðilagður fyrir litlum verslunarmönnum
Íslenskukunnátta er öryggismál
„Við erum bara ennþá í smá sjokki yfir þessu“