Hjálmar kveður skipstjórastólinn

Hjálmar Sigurjónsson skipstjóri á Ljósafelli SU-70 lauk sínum síðasta túr sem skipstjóri togarans í morgun er skipið kom til hafnar á Fáskrúðsfirði.

Aflinn í túrnum var um 80 tonn af blönduðum afla sem veiddist á miðunum vestur af landinu. Sigldi togarinn heilar 1.003 sjómílur í veiðiferðinni.

Í færslu á Facebook-síðu togarans er greint frá þessu. „Vegna þrálátra stoðkerfisvandamála og verkja því tengdum varð hann því miður að láta af störfum. Við þökkum Hjalla innilega fyrir gott samstarf og óskum honum velfarnaðar í framtíðinni,“ segir í færslunni.

Þessi reyndi skipstjóri komst í fréttir í mars 2022 eftir að hafa lent í hræðilegu vélsleðaslysi. Vert er að lesa hana aftur hafi maður ekki gert það fyrr, hún er vægast sagt ótrúleg.

Frétt af mbl.is

Fóturinn hékk á tægjum af holdi, sinum og æðum

• Blogga um frétt