Sigla með hræ úr Hvalfirði út á haf

Áhöfnin á varðskipinu Þór fjarlægði hvalhræ sem var á reki í miðjum Hvalfirði í gærkvöld, að því er fram kemur í færslu á Facebook-síðu Landhelgisgæslunnar.

Þar segir að stjórnstöð stofnuninarinnar hafi fengið vitneskju hvalhræið síðdegis í gær eftir að vegfarandi tilkynnti lögreglu um málið.

„Varðskipið Þór var sent á staðinn og fann hvalinn laust fyrir klukkan tíu gærkvöld. Vel gekk að undirbúa hræið fyrir flutning. Stroffu var komið utan um sporð þess og að því búnu var siglt með það út fjörðinn.“

Ætlunin er að sigla með hræið djúpt út af Snæfellsnesi þar sem því verður sleppt utan sjávarfallastrauma.

Ljósmynd/Landhelgisgæslan

Ljósmynd/Landhelgisgæslan

Ljósmynd/Landhelgisgæslan

• Blogga um frétt