Matvælastofnun hefur unnið tillögu að rekstrarleyfi fyrir Thor landeldi ehf. vegna landeldisstöðvar félagsins við Laxabraut vestan við Þorlákshöfn. Um er að ræða leyfi fyrir 13.150 tonna hámarkslífmassa vegna seiða- og matfiskeldis á lax, bleikju og regnbogasilungi, að því er frem kemur í tilkynningu á vef Matvælastofnunar.

Síðastliðið sumar gaf Skipulagsstofnun út álit í tengslum við áform félagsins um 20 þúsund tonna landeldisstöð og telur stofnunin félagið hafa uppfyllt kröfur um umhverfismat.

„Skipulagsstofnun telur að veigamestu umhverfisáhrif laxeldis Thor landeldis verði áhrif á grunnvatn en að töluverð óvissa sé fyrir hendi um umfang og eðli þessara áhrifa. Til að mæta þeirri óvissu þurfi að viðhafa mjög umfangsmikla vöktun og skipta uppbyggingu fyrirtækisins í áfanga þar sem áhrif hvers áfanga liggja fyrir áður en ráðist verður í þann næsta,“ sagði í áliti stofnunarinnar.

Á síðasta ári var gengið frá samningum við ON um orku fyrir landeldisstöð félagsins og var síðastliðið sumar tekin skóflustunga vegna verkefnisins.

Uppbyggingaráformunum er lýst í umhverfismatsskýrslu Thors landeldis ehf. Mynd/Thor landeldi

Meirihlutinn í eigu sjóðs

Nokkur breyting varð á eignarhaldi Thors landeldis hef. á síðasta ári er IS Haf fjárfestingasjóður slhf. festu kaup á 53% hlut í félaginu. Sjóðurinn er rekinn af Íslandssjóðum en fjárfestar í honum eru Útgerðarfélag Reykjavíkur hf. sem jafnframt er kjölfestufjárfestir sjóðsins, Brim hf. og nokkrir íslenskir lífeyrissjóðir.

Sjóðurinn var stofnaður á síðasta ári og var stærð sjóðsins um tíu milljarðar króna.

Frétt af mbl.is

Kristrún leiðir nýjan haftengdan fjárfestingasjóð

Tengdar fréttir

Fiskeldi

Sjö fiskar staðfestir sem eldislaxar

• Engir eldislaxar fundist í dag
• Gætum séð áhrif á stofngerðir laxa
• „Ólíklegt að eitthvað hafi sloppið“
• Greining á uppruna liggur fyrir í vikunni

» Fleiri tengdar fréttir

• Blogga um frétt