Framkvæmdasýslan – Ríkiseignir (FSRE) hefur auglýst rannsóknaskipið Bjarna Sæmundsson HF-30 til sölu. Skipið var smíðað 1970 í Þýskalandi fyrir Hafrannsóknastofnun og afhent stofnuninni í desember sama ár.

Bjarni Sæmundsson virkt í hafrannsóknum í meira en hálfa öld og er 56 metra langt og 10,6 metra breitt, en dýpt að efra þilfari er sjö metrar. Í skipinu eru þrjár vélar með 410 kw. hver og er gagnhraði 12 sjómílur ef keyrt er á öllum vélum. Á skipinu hefur verið 14 manna áhöfn og auk þess er aðstaða fyrir 13 vísinda- og rannsóknarmenn.

Nýtt skip, Þórunn Þórðardóttir hefur verið í smíðum og er búist við að það verði afhent á næstu vikum. Tekur það við af Bjarna Sæmundssyni.

Bjarni Sæmundsson við bryggju í Hafnarfirði. Höfuðstöðvar HAfrannsóknastofnunar í bakgrunni. mbl.is/Hafþór

„Skipið er smíðað sem almennt rannsóknarskip, þar á meðal fiski- og hafrannsóknir. Drifkerfið er af díselrafmagni til að tryggja lágt hljóðstig. Í þessum skipaleiðöngrum er meðal annars fjallað um margvíslegar vistfræðilegar athuganir, stofnmælingar á hafsbotni, fiskamerkingar og veiðarfærarannsóknir,“ segir í auglýsingu FSRE.

Þar er einnig greint frá því að meiriháttar endurbætur hafi verið gerðar á Bjarna Sæmundssyni árið 2003 og var þá skipt um allar þrjár dísilvélar, sett upp nýtt aflstjórnunarkerfi, dælukerfi endurnýjað, einangrun endurnýjuð og umbætur gerðar í sal, eldhúsi, dagvistum, rannsóknarstofu, herbergjum, rannsóknarstofu og stýrishúsi.

Þá mun FSRE meðal annnars líta til sjálfbærni, endurnotkunar og kolefnisfótspors þegar farið er yfir tilboð í skipið. Opnun tilboða verður 31. mars 2025.

Vekur FSRE athygli mögulegra kaupenda á því að það sé vitað að það sé asbest í skipinu og að ekki hafi verið gert sérstök úttekt á skipinu með tilliti til þess.

Tengdar fréttir

Hafrannsóknastofnun

Fengu fjarstýrðan kafbát

• Þorskar undir meðalþyngd fyrri ára
• Jónbjörn setti nafn sitt á nýja tegund
• Fjárfestu í nýjum rannsóknabúnaði
• Vel heppnað loðnueldi

» Fleiri tengdar fréttir

• Blogga um frétt