Ekki rætt um hvalveiðar
Setja bókamerki
Tengdar fréttir
Hvalveiðar
Formenn Samfylkingarinnar, Viðreisnar og Flokks fólksins hafa ekki rætt um hvalveiðar eða hvort breyta skuli lögum á næsta vorþingi til að banna hvalveiðar. Sjálf kveðst Kristrún Frostadóttir, formaður Samfylkingarinnar, ekki hefðu gefið út hvalveiðileyfi í þessu millibilsástandi sem nú ríkir eins og Bjarni Benediktsson gerði.
Kristrún segir í samtali við Morgunblaðið að vissulega sé það stefna Samfylkingarinnar að hvalveiðar verði bannaðar við Íslandsstrendur. Innan flokksins séu skiptar skoðanir um málið eins og innan margra flokka.
Vinnuhópar skipaðir fulltrúum flokkanna þriggja sem nú ræða saman um myndun ríkisstjórnar tóku til starfa í gær og munu í dag fleiri hópar bætast við þá vinnu.
Kristrún segir nú stefnt að því að mynda ríkisstjórn fyrir lok árs. „Við finnum bara til mikillar ábyrgðar á því að vera ekki að draga þetta á langinn. Við viljum hins vegar vinna þetta vel, við þurfum að fá ákveðnar upplýsingar og vita að hverju við göngum áður en við skrifum stjórnarsáttmála,“ segir Kristrún.
Hún segir viðræður ganga vel þó að upp komi ágreiningsmál. Formennirnir hafi þó getað talað sig í gegnum þau flest og fundið sameiginlega fleti.
Lesa má meira um málið í Morgunblaðinu í dag.
Ekki ljóst hver kostnaður verður
Öryggisráð Ísraels samþykkir vopnahlé
Bréf sent á alla forstöðumenn ríkisins
Hæstiréttur staðfestir TikTok-bann
Hefja undirbúning verkfalla
Áætluð verklok Fossvogsbrúar árið 2028
„Aldrei tekist áður í heiminum“
Sigldu yfir tún til að bjarga innlyksa konu