Könnunarleiðangur uppsjávarskipsins Aðalsteins Jónssonar SU er nú um hálfnaður og hefur ekki sést til loðnunnar enn sögn Guðmundar Inga Guðmundssonar stýrimanns. Hann segir leiðangurinn hafa gengið vel hingað til en honum er ætlað varpa ljósi á hve langt austur með landinu loðnan sé komin.

Skipið er statt um 120 sjómílur norður af Melrakkasléttu er blaðamaður nær tali af Guðmundi.

„Ætli við séum ekki hálfnaðir með þetta verkefni núna. Við höfum ekki orðið varir við loðnuna ennþá en ég held það sé bara eðlilegt. Við byrjuðum austan megin og hún er svo sannarlega ekki komin svona langt austur eins og við erum búnir að vera. Við vonumst að rekast á hana á vestari leggjunum.“

Guðmundur Ingi segir áhöfnina búna að fara yfir fimm af tíu leggjum leiðangursins og hefur veður aðeins þvælst fyrir síðastliðna nótt. „Það kemur aftur bræla í nótt og verður fram eftir morgundeginum. Svo verður þetta fínt eftir það. Við verðum vonandi í landi fljótlega eftir helgi.“

Hefðbundin vetrarleiðangur í janúar

Í október greindi Hafrannsóknastofnun frá því að vísindamenn stofnunarinnar mæltu gegn því að loðnuveiðar yrðu stundaðar á komandi vetri. Höfðu bergmálsmælingar haustsins ekki sýnt nægilegt magn til að réttlæta útgáfu veiðiheimilda.

Ákveðið var í síðasta mánuði að farið yrði í fyrrnefndan könnunarleiðangur. Rannsóknin er kostuð af útgerðum sem eiga loðnukvóta og er framkvæmd á grundvelli samnings útgerðanna og Hafrannsóknastofnunar.

Leiðangurinn mun ekki skapa grundvöll fyrir endurskoðun ráðgjafar Hafrannsóknastofnunar um engar veiðar. Stofnunin mun hins vegar halda í hefðbundna vetrarmælingu á nýju ári og getur ráðgjöfin breyst í kjölfar hennar, ef loðna finnst í nægilegu magni.

Frétt af mbl.is

Engar loðnuveiðar verði leyfðar á fiskveiðiárinu

Mikið undir

Mikið er undir enda getur miðlungs loðnuvertíð skilað tugi milljarða í útflutningstekjur. Áætlað hefur verið að lítil loðnuvertíð geti skilað þjóðarbúinu hálfu prósentustigi í hagvöxt á næsta ári og miðlungsvertíð heilu prósentustigi.

Hefur loðnubrestur mikil áhrif á á þeim svæðum sem uppsjávarútgerðirnar starfa og minnkuðu atvinnutekjur af sjávarútvegi í Fjarðarbyggð um 25% vegna loðnubrestsins síðastliðinn vetur, um % í %Vestmannaeyjum og um í sveitarfélaginu Höfn í Hornafirði.

Guðmundur Ingi þekkir vel hve miklu máli loðnuvertíð skiptir og bindur vonir við að loðnan láti sjá sig. „Við vonum að það verði eitthvað fyrir land og þjóð.“

Frétt af mbl.is

Mun minni atvinnutekjur vegna loðnubrests

Hægt er að fylgjast með leið Aðalsteins Jónssonar SU í rauntíma.

Tengdar fréttir

Loðnuveiðar

Loðnumæling tafðist er Árni leitaði í var

• Fyrstu skipin til loðnumælinga
• „Við urðum örlítið varir við loðnu“
• Töf á mælingu vegna viðgerðar
• Lítið sást til loðnunnar

» Fleiri tengdar fréttir

• Blogga um frétt