Enga stund að éta 10 milljónir loðna
Setja bókamerki
Til að komast af í heimshöfunum hafa tegundir eins og loðna þróað varnarviðbrögð og safnast þær saman í stórar torfur þegar þeim er ógnað. Vísindamenn hafa hins vegar í fyrsta sinn getað greint hvernig þessi hegðun loðnu gerir hana berskjaldaðri gagnvart svöngum þorski, að því er fram kom í desemberblaði 200 mílna.
Vísindamenn hins virta háskóla Massachusetts Institute of Technology (MIT) í Bandaríkjunum og Háskólans í Bergen í Noregi segjast hafa fylgst með samspili þorsks og loðnu þegar loðnan á suðurleið til hrygningar mætir þorskinum úti af Noregi.
Með því að nýta bergmálsmælingar og sérstaka myndgreiningartækni gátu þeir séð hvernig loðnur byrjuðu að hópast saman og mynduðu risavaxna torfu sem spannaði tugi kílómetra. Þorskurinn á svæðinu speglaði þessa hegðun og myndaði eigin torfu. Þorskarnir réðust síðan á loðnuna og áætla vísindamennirnir að hann hafi á stuttum tíma lagt sér til munns um helming loðnutorfunnar, um 10 milljónir loðna.
Fjallað er um rannsóknina í greininni „Rapid predator-prey balance shift follows critical-population-density transmission between cod (Gadus morhua) and capelin (Mallotus villosus)“ sem birt var nýverið í vísindatímaritinu Nature Communications Biology.
Í færslu um rannsóknina á vef MIT er fullyrt að um sé að ræða stærsta afránsatburð sem mældur hefur verið, bæði hvað varðar fjölda einstaklinga (fiska) og með tilliti til þess svæðis þar sem atburðurinn átti sér stað.
Nánar má lesa um málið í desemberblaði 200 mílna.
Verklok við snjóflóðavarnir áætluð 2029
Trump sver embættiseið í dag
Óvenjuleg virkni sem getur leitt til eldgoss
Boðar frumvörp um virkjanir
Fella ákvörðunina ekki úr gildi
Greiðslur virka nú eðlilega
/frimg/1/54/17/1541746.jpg)
„Getum verið að tala um ár eða áratugi“
Rífur upp alls konar minningar