Rýmdu fiskvinnslu vegna tundurdufls

Fiskvinnsluhús Útgerðarfélags Akureyringa var rýmt skömmu eftir hádegi í dag vegna tundurdufls sem kom í veiðarfæri togarans Bjargar EA. Duflið kom í síðasta holi veiðiferðarinnar. Björg kom til Akureyrar í morgun, að því er segir í færslu á vef Samherja.

Fram kemur að duflið sé illa farið og mat áhöfninn í fyrstu að um gamla járntunnu væri að ræða. Við nánari athugun reyndist hluturinn hins vegar vera tundurdufl.

„Haft var samband við sprengjusérfræðinga Landhelgisgæslunnar og eru þeir væntanlegir norður síðdegis. Ákveðið var að rýma svæðið í eitt hundruð metra radíus frá bryggju, því var vinnslu hætt í dag til að gæta fyllsta öryggis.“

Sérfræðingar Landhelgisgæslunnar eru væntanlegir til Akureyrar síðdegis.

• Blogga um frétt