Lenti aldrei í alvarlegum óhöppum
Setja bókamerki
Guðbjartur Ingibergur Gunnarsson, skipstjóri til margra ára, fagnaði 85 ára afmæli sínu 11. febrúar síðastliðinn og var í tilefni þess rætt við hann í Morgunblaðinu síðastliðinn þriðjudag.
„Ég er bara nokkuð ánægður með starfsferilinn. Ég var mjög heppinn með að lenda aldrei í alvarlegum óhöppum eða slysum og er mjög þakklátur fyrir það. Það hafa orðið miklar breytingar á skipum og útbúnaði hvers konar sem hafa létt mönnum starfið og auðveldara og betra að hafa samband við fjölskyldur í landi,“ sagði Guðbjartur.
Hann er fæddur á Stokkseyri 11. febrúar 1940 og kláraði í Stýrimannaskólanum hið meira fiskimannapróf vorið 1961.
Guðbjartur stundaði sjómennsku mestallan starfsferilinn. Þegar hann hætti til sjós voru liðin 52 ár frá því að hann var fyrst skráður á skip. Hann byrjaði 15 ára á togaranum Surprise og fór árið eftir 16 ára á togarann Ísborg frá Ísafirði. Svo var hann á vertíðarbátum og togurum í nokkur ár. Í september 1969 réðst hann til ÍSAL og var þar í fjögur ár.
Hafrannsóknir í Afríku
Árið 1978 byrjaði Guðbjartur hjá Hafrannsóknastofnun, fyrst í afleysingum en síðan sem fastráðinn stýrimaður. Hann var skipstjóri á hafrannsóknaskipinu Bjarna Sæmundssyni er hann fór á eftirlaun.
Árið 1990 var flutti Guðbjartur áamt eiginkonu sinni til Swakopmund í Namibíu á vegum Þróunarsamvinnustofnunar.
Í Namibíu var Guðbjartur yfirstýrimaður á rannsóknarskipinu Benguela og var svo beðinn að taka að sér að kenna verðandi veiðieftirlitsmönnum í Luderitz. Voru þau í Namibíu í tvö ár. Fóru svo aftur til Namibíu í upphafi árs 1999 og dvöldu þá í eitt og hálft ár. Hann var þá skipstjóri á hafrannsóknaskipinu Welwitschia en síðustu mánuðina að kenna í Sjómannaskólanum í Walvis Bay.
Nánar má lesa um skipstjórann Guðbjart Ingiberg Gunnarsson hér.
Sveitarfélög þurfa að skera niður
„Viðbúin því að það geti byrjað að gjósa hvað úr hverju“
Brakar minna í Reykjanestá
Milljónir í leigu á ónothæfu meðferðarheimili
Kona gekk í skrokk á konu
Betri yfirsýn með hverjum klukkutíma sem líður
Gagnrýna áform um nýja höfn
Vísbendingar um að kvika sé þegar farin af stað