Skipstjórinn á Júlíusi Geirmundssyni sýknaður
Setja bókamerki
Landsréttur hefur sýknað skipstjóra frystitogarans Júlíusar Geirmundssonar af miskabótakröfum en hann hafði áður verið sakfelldur af Héraðsdómi Reykjavíkur. Málið varðar veiðiferð í kórónuveirufaraldrinum þar sem fjöldi skipverja smitaðist af Covid-19.
Málið vakti mikla athygli á sínum tíma en í veiðiferðinni smituðust 22 af 25 skipverjum af Covid-19, í september og október árið 2020.
Héraðsdómur sakfelldi skipstjórann fyrir að brjóta gegn sjómannalögum er hann hætti ekki veiðiferð í kjölfar veikinda um borð í skipinu.
Niðurstaða héraðsdóms var byggð á því að Sveinn átti að hafa sýnt af sér stórfellt gáleysi.
Sýndi ekki af sér stórfellt gáleysi
Skipverjinn sem kærði skipstjórann veiktist á fimmta degi veiðiferðarinnar en ekki var haldið til hafnar. Áhöfnin var svo skimuð fyrir Covid-19 á 20. degi veiðiferðar í stuttu stoppi til að taka olíu á skipið.
Að svo búnu lagði skipið úr höfn á ný, en sneri til baka degi síðar eftir að niðurstöður skimana lágu fyrir.
Skipverjinn höfðaði mál gegn Sveini og krafði hann um miskabætur vegna heilsutjóns sem hann rakti til framkomu skipstjórans og reyndar líka framkvæmdastjóra útgerðarinnar og útgerðarstjórans.
Landsréttur segir hins vegar að ekki sé hægt að draga þá ályktun að Sveinn hafi með sínum viðbrögðum við veikindum skipverja sýnt af sér stórfellt gáleysi.
Hann hafi til dæmis ekki þvingað neinn veikan skipverja til þess að vinna, verið í samskiptum við umdæmislækni sóttvarna og þegar niðurstöður skimunar lágu fyrir þá hélt hann til hafnar.
Það má ekki gleyma sögu mislingafaraldra
Spennan magnast undir Sundhnúkagígaröðinni
Skref stigin í átt að nýju fangelsi
Heiða hættir sem formaður SÍS
Hávær mótmæli fyrir utan ríkisstjórnarfund
„Þær komu eins og flugnager“
Kynna breytingar á stuðningi við Grindvíkinga