Íslenskur sproti verðlaunaður í Noregi
Setja bókamerki
/frimg/1/56/51/1565138.jpg)
Íslenska sprotafyrirtækið Greenfish hlaut í gær nýsköpunarverðlaun sjávarafurða 2025, Seafood Innovation Award, að því er fram kemur í tilkynningu á vef verðlaunanna. Verðlaunin voru afhent við hátíðlega athöfn á málþingi sjávarfangsfyrirtækja á Norður-Atlantshafi, North Atlantic Seafood Forum (NASF), sem haldið er árlega í Bergen í Noregi.
Fjöldi félaga voru tilnefnd til verðlaunanna en sjö voru valin í úrslitakeppni. Sigurvegarinn var valinn bæði af dómnefnd og í kosningu meðal fundargesta að lokinni kynningu á verkefnum fyrirtækjanna.
Greenfish nýtir gervigreindarlíkön sem keyrð eru á ofurtölvum með gervihnattagögnum til að gera spá átta daga fram í tímann um staðsetningu afla, magn, gæði og aflasamsetningu á hafkorti.
Verðlaununum fylgir þúsund norskar krónur, jafnvirði um 314 þúsund íslenskra króna, auk sérsniðins frumkvöðlastuðning á lykilsviðum eins og stefnumótun, markaðssetningu og viðskiptaþróun.
Nýverið var greint frá því að Greenfish hefði hafið samstarf við eina af stærstu útgerðum Bandaríkjanna.
Konan áfram í haldi í tengslum við morðrannsóknina
Gular viðvaranir taka gildi uppúr hádegi
Stuðlar eina úrræðið fyrir börn í geðrofi
Menntun og geðheilbrigði úkraínskra barna í forgrunni
„Vandinn liggur augljóslega hjá Ísrael“
„Ríki og leiðtogar gerðir ábyrgir“
Meintur árásarmaður úrskurðaður í gæsluvarðhald