Trefjar í Hafnarfirði annast smíði á botnstykkjum í laxeldisker fyrir landeldisfélagið First Water og fór fram fyrsta afhending í Þorlákshöfn á dögunum, að því er segir í fréttatilkynningu.

Verkefnið kemur í framhaldi af smíði 400 rúmmetra kera fyrir seiðaeldi félagsins og 750 rúmmetra ker fyrir áframeldið.

„Í þessum áfanga erum við að afhenda fimm mismunandi hluti úr trefjaplasti sem settir eru saman í eitt. Botnstykkið mynda nokkurs konar niðurfall sem notað er til að viðhalda hringrás vatnsins og flytja lifandi fisk,“ er haft eftir Óskari Hafnfjörð Auðunssyni forstjóra Trefja í tilkynningunni.

Mikið álag

Á síðasta ári náði First Water þeim áfanga að framleiða þúsundasta tonnið af laxi. Fyrsta sláturn átti sér stað 2023. Markmið félagsins er að ná að koma framleiðslunni upp í 50 þúsund tonn á ári hverju.

Fram kemur í fréttatilkynningu Trefja að hröð uppbygging First Water hafi kallað á mikla vinnu.

Frétt af mbl.is

First Water komið í þúsund tonn

„Skammur afhendingartími getur verið krefjandi en þá leggjast bara allir á árarnar. Til að láta svona verkefni ganga upp þarf mörg handtök. Að verkefninu koma á annan tug manna sem sinna ólíkum verkþáttum, svo sem, hönnun, innkaupum og gæðaeftirliti áður en sjálf framleiðslan hefst. Það er talsverð handavinna sem felst í að sníða mottur úr trefjum, leggja þær á mótin, mála, pússa og ganga frá til afhendingar,“ segir Óskar í tilkynningunni.

Fram kmeur að Trefjar hafi fjárfest í fimm-ása CNC-fræsingarvél til að bæta og hraða framleiðsluferli. „Slík vél gerir okkur kleift að sérsmíða flókna íhluti á stuttum tíma á nákvæman hátt. Þannig getum við mætt þörfum viðskiptavina enn betur og er hluti af þeirri tækni- og sjálfvirknivæðingu sem við stöndum frammi fyrir núna.“

Tengdar fréttir

Fiskeldi

Seldu lax fyrir 12 milljarða í fyrra

• Matvælastofnun óskar eftir lögreglurannsókn
• Arctic Fish setti út á breytt leyfi ÍS47
• Rannsaka gat á kví með 117 þúsund löxum
• Laxinn þolir illa hávaða

» Fleiri tengdar fréttir

• Blogga um frétt