Taka þarf tillit til afráns hvalastofna
Setja bókamerki
„Sú afstaða Samtaka fyrirtækja í sjávarútvegi hefur legið fyrir um langt árabil að efla beri hafrannsóknir. Við erum ekki á góðum stað hvað þær varðar og þurfum að efla rannsóknir á öllum sviðum,“ segir Ólafur H. Marteinsson, formaður Samtaka fyrirtækja í sjávarútvegi, í samtali við Morgunblaðið, spurður um afstöðu samtakanna til áforma tveggja þingmanna Sjálfstæðisflokksins um að stórauka rannsóknir á afráni hvala á Íslandsmiðum, ekki síst hnúfubaks, og jafnvel að skoðað verði að hefja vísindaveiðar á tegundinni til þess að rannsaka afrán hennar, ekki síst á loðnu.
Ólafur segir að úthlutað aflamark ýmissa fiskistofna sé minna en ella þar sem beita þurfi varúðarnálgun við stofnstærðarmat vegna ónógra rannsókna.
„Hvað loðnustofninn varðar þá liggur það algerlega í augum uppi að menn þurfi að taka miklu meira tillit til afráns hvalastofna en gert hefur verið,“ segir Ólafur.
Hann nefnir að hvalveiðar séu viðkvæmt mál og tilfinningasemi í gangi, en auknar rannsóknir á afráni hvala séu ágætt fyrsta skref. Málið sé ekki jafn flókið og rætt sé um, tæpast þurfi sérútbúin skip til slíks.
Nánar má lesa um málið í Morgunblaðinu í dag.
Pútin tilkynnir „páskavopnahlé“
Fótboltastrákar urðu að strandaglópum í Barselóna
Eðlilegt að fólk verði óánægt eftir uppsögn
Vopnahlé ekki á pútínskum forsendum
19 árásir Rússa fyrstu sex tíma vopnahlés
Merki um árangur en líklegast sýndarmennska
Konan með höfuðáverka: Einn handtekinn
Vofan í norskum glæpasagnaheimi