Áhöfnin á björgunarskipinu Gísla Jóns hélt æfingu í gær. Var meðal annars æfð notkun á ýmsum búnaði um borð, auk þess sem gerðar voru prófanir á dælum, krana og fjarskiptabúnaði, að því er segir í færslu á Facebook-síðu skipsins.

Þar segir að stjórntök skipsins hafi verið æfð. Siglt var til Jökulfjarðar og komið við í Grunnavík og á Hesteyri.

Siglt var til Jökulfjarðar. Ljósmynd/Áhöfnin á Gísla Jóns

Áhöfninn gerði prófanir á ýmsum búnaði um borð. Ljósmynd/Áhöfnin á Gísla Jóns

Gísli Jóns var smíðaður árið 1990 í Noregi af BåtserviceVerft AS og er 14,94 metrar að lengd og 38 brúttótonn.

Gert er ráð fyrir að nýtt björgunarskip komi í stað Gísla Jóns á árinu og er það liður í endurnýjun björgunarskipaflotans sem taðið hefur yfir undanfarin ár. Um er að ræða einhverja stærstu fjárfestingu Landsbjargar frá upphafi.

Nýju björgunarskipin eru smíðuð af Kewatec í finnlandi og kom til landsins síaðsta haust ný Björg sem tók við af samnefndu björgunarskipi á Rifi á Snæfellsnesi.

Frétt af mbl.is

Björg komin frá Finnlandi

Tengdar fréttir

Öryggi sjófarenda

Báðu lögreglu um að hýsa slasaða sjómenn

• Styrkja umbótaverkefni í öryggismálum
• Munaði litlu að báturinn sykki
• Náðu að bjarga sjón háseta
• Heppinn að hafa náð að kalla eftir hjálp

» Fleiri tengdar fréttir

• Blogga um frétt