Hildur: „Hér er mikið í húfi“
Setja bókamerki
Tengdar fréttir
Alþingi
Hildur Sverrisdóttir, þingmaður Sjálfstæðisflokksins, segir mikilvægt að hafa í huga að íslenskur sjávarútvegur er burðarás í atvinnulífi um land allt.
„Á undanförnum áratugum hefur verið gripið til ýmiss konar aðgerða til að gera íslenskan sjávarútveg sjálfbæran og arðbæran, þannig að óvíða í heiminum er sjávarútvegur rekinn á eins hagkvæman hátt.
Þessi eftirsóknarverða staða varð ekki til úr engu heldur byggir hún á rannsóknum og ákvörðunum út frá þeim. Allar breytingar á kerfinu sem til umræðu eru verða að skoðast með þetta til hliðsjónar,“ sagði Hildur í umræðum um störf þingsins á Alþingi í dag.
Aukin verðmætasköpun í íslensku hagkerfi
„Nú áðan stóðu hæstvirtur atvinnuvegaráðherra og hæstvirtur fjármála- og efnahagsráðherra fyrir kynningarfundi þar sem fyrirhugaðar breytingar á lögum um veiðigjald voru kynntar. Rétt er að staldra aðeins við hvað þar kom fram. Ég fullyrði að óumdeilt sé að framúrskarandi lífskjör íslensku þjóðarinnar byggi á samkeppnishæfni útflutningsstoða okkar, undirstöðuatvinnugreinum þjóðarinnar; ferðaþjónustu, hugviti, framleiðslu á áli og sjávarútvegi,“ sagði Hildur í pontu.
„Í stefnuyfirlýsingu ríkisstjórnarinnar er skýrt kveðið á um að stefna skuli að aukinni verðmætasköpun í íslensku hagkerfi. Það ætti því að vera ríkisstjórninni kappsmál að styðja við samkeppnishæfni þessara undirstöðuatvinnugreina sem og annarra, fjölga störfum og þannig styðja við hagvöxt og lífskjör. Stundum þýðir það einfaldlega að ríkið þurfi að gera minna. Ríkisstjórnin ætlar hins vegar að gera meira, a.m.k. hvað snertir bæði ferðaþjónustu og sjávarútveg.
Frú forseti. Hér er mikið í húfi og mikilvægt að vanda til verka.“
Tengdar fréttir
Alþingi
Kennir stjórnvöldum um fall skólans
Ásakanir um árásir ganga á víxl í vopnahléi
Merki um árangur en líklegast sýndarmennska
Úkraínumenn munu virða vopnahléið
Lítum upp úr símunum og sýnum meiri kærleika
Vofan í norskum glæpasagnaheimi