Á síðasta ári slátraði Arctic Fish 10.677 tonnum af laxi úr kvíum sínum og var hagnaður á hvert slátrað kíló fyrir fjármagnsliði og skatta 1.,42 evrur. Alls seldi félagið afurðir fyrir um tólf milljarða króna og var hagnaðurinn um 390 milljónir.

Þetta kemur fram í ársskýrslu Arctic Fish.

Þar segir Stein Ove Tveiten forstjóri Arctic Fish að náðst hefur verulegur árangur í rekstri félagsins.

„Saman náðum við ýmsum mikilvægum áföngum, þar á meðal metháum framleiðslutölum í seiðaeldinu okkar, frábærum árangri í baráttunni við laxalús og fyrsta heila rekstrarárinu í vinnslunni okkar í Bolungarvík. Við stöndum því á sterkum grunni og stefnum á áframhaldandi sjálfbæran vöxt,” segir hann.

Stærsti hluthafi Arctic Fish er norska laxeldisfyrirtækið Mowi sem fer með 51,28% en næst stærsti hluthafinn er Síldarvinnslan hf. sem fer með 34,19% í félaginu.

Tengdar fréttir

Fiskeldi

Vesturbyggð verði að greina kostnað

• Sækja um stækkun á laxeldi í Eyjum
• Skortir fjármagn til uppbyggingar eldis
• Matvælastofnun óskar eftir lögreglurannsókn
• Arctic Fish setti út á breytt leyfi ÍS47

» Fleiri tengdar fréttir

• Blogga um frétt