Efast ekki um 48 daga til strandveiða
Setja bókamerki
Það styttist óðum í að strandveiðar hefjist, en upphafsdagur verður líklega 5. maí. Ríkisstjórnin hefur heitið því að tryggja öllum strandveiðibátum 48 veiðidaga, það er að segja 12 veiðidaga í hverjum mánuði maí til og með ágúst. Til þess er þörf á meiri veiðiheimildum en veiðunum hefur verið ráðstafað undanfarin ár og hefur hingað til ekki verið sýnt fram á hvernig staðið verður við þessi fyrirheit, en Hanna Katrín Friðriksson atvinnuvegaráðherra hefur greint frá því að lagafrumvarp um strandveiðar verði ekki afgreitt í tæka tíð til að breyta tilhögun veiða sumarsins.
„Þau hafa sagt að það verði 48 dagar í sumar. Ég hef ekki séð nákvæmlega hvernig það verður gert, en ég hef enga ástæðu til annars en að trúa að þau standi við það,“ segir Kjartan Páll Sveinsson, formaður Strandveiðifélags Íslands, inntur álits á því hvernig hann sjái fyrir sér að ríkisstjórnin geti staðið við loforðið.
„Það er líka klókt að hafa umsóknarfrest svo þau geti haft vaðið fyrir neðan sig,“ segir hann og vísar til þess að reglugerðardrög sem birt voru fyrr í mánuðinum kveða á um að frestur til að sækja um strandveiðileyfi verði 15. apríl ár hvert.
„Við stungum upp á því við ráðuneytið að skella september inn í strandveiðivertíðina. Það mun hafa þau áhrif að jafna hlut C-svæðisins – það hefur hallað mest á þetta svæði á Norðausturlandi og Austurlandi. Það myndi hafa þau áhrif að hluti aflans kæmi inn á nýju fiskveiðiári og þannig væri hægt að kaupa sér ákveðinn tíma til að fara ekki fram úr heimildum og ég held að fólk fyrir austan væri miklu frekar til í að veiða í september en í maí,“ segir Kjartan.
Nánar má lesa í Morgunblaðinu í dag.
Halla ætlaði að tagga „Pope Francis“
Landris svipað og fyrir síðasta eldgos
„Bitnar kannski harðast á fastráðnu starfsfólki“
/frimg/1/56/26/1562623.jpg)
Enn rætt um kaup á kísilverksmiðjunni
Hyggst ekkert segja um mál Oscars
Landris heldur áfram: 80-150 skjálftar á dag
Fósturforeldrar Oscars mótmæltu við ráðuneytið