Kristján segir Guðrúnu krata inn við beinið

Kristján Loftsson, forstjóri Hvals hf., segir Guðrúnu Hafsteinsdóttur formann Sjálfstæðisflokksins vera krata inni við beinið.

Þetta er meðal þess sem Kristján segir í Sjókastinu, nýju hlaðvarpi á vegum Sjómannadagsráðs, þar sem fjallað er um málefni sjávarútvegs og hafsins.

Kristján vísar í þann tíma þegar Guðrún var í stjórn Lífeyrissjóðs verslunarmanna. Segir hann hana hafa aðhyllst kratahugsun þar sem að þeir sem ekkert eiga í hlutunum hafi samt ætlað að stjórna.

Frétt af mbl.is

Ekki forsvaranlegt að stunda veiðar

Meira og minna vinstri kratar í Viðreisn

„Ég held hún sé krati inn við beinið, því miður,“ segir Kristján. Hann segir hana að minnsta kosti hafa birtst sér þannig þegar hann var að eiga við hana á sínum tíma.

„Ef hún ætlar að fara að sækja allt þetta Viðreisnarlið sem er allt meira og minna vinstri kratar og verra en það margir, þá held ég að hún eigi ekki erindi sem erfiði, ekki fyrir Sjálfstæðisflokkinn, finnst mér,“ segir Kristján einnig um Guðrúnu.

Aríel Pétursson, formaður Sjómannadagsráðs, ræddi við Kristján í fyrsta þætti Sjókastsins.

Kristján ræðir Guðrúnu þegar um klukkustund og 31 mínúta er liðin af viðtalinu sem er aðgengilegt á helstu hlaðvarpsveitum og á Youtube.

• 1 blogg um fréttina

Bloggað um fréttina

• Guðjón E. Hreinberg: Frábært viðtal við Kristján Loftsson