Kristján Lofts­son, for­stjóri Hvals hf., segir Alþingi engu ráða í dag. „Sjoppur“ á borð við Matvælastofnun og Fiskistofu séu komnar með lögregluvald.

Þetta er meðal þess sem Kristján seg­ir í Sjók­ast­inu, nýju hlaðvarpi á veg­um Sjó­mannadags­ráðs, þar sem fjallað er um mál­efni sjáv­ar­út­vegs og hafs­ins.

Frétt af mbl.is

Segir Stalínista hafa verið í matvælaráðuneytinu

Aríel Pétursson, þáttastjóri Sjókastsins og formaður Sjómannadagsráðs, bendir á að Kristján hafi þurft að finna fyrir miklum þrýstingi frá ýmsum hópum, þar á meðal innan Alþingis, sem séu honum ósammála um hvalveiðar. Kristján hafi ekki látið undan og hafi einhvern veginn alltaf lent á fótunum. 

„Þetta er bara slagur. Alþingi ræður engu í dag hér, meira og minna. Þeir eru búnir að „source-a“ þessu öllu í þessar stofnanir. Þeir eru komnir með lögregluvald líka,“ segir Kristján.

„Taktu til dæmis Matvælastofnun. Þeir ausa út stjórnvaldssektum hér hægri vinstri. Þeim dettur þetta bara í hug og finnst þetta bara sniðugt,“ segir Kristján og segir svipaða sögu að segja með Fiskistofu. Þar hafi sekt verið lögð á hálfu ári eftir meint brot.

Frétt af mbl.is

Kristján segir Guðrúnu krata inn við beinið

Ætti að rétta í málum strax

Kristján bendir á að þegar landhelgin var 12 og 50 mílur hafi Bretar og Þjóðverjar oft verið teknir í landhelgi. Þeim hafi verið stefnt í höfn og sýslumaður réttað í málinu strax. Ákæran hafi svo komið seinna.

„Að mínu mati ætti þetta að vera svona núna líka, ef að þessar sjoppur sem ég kalla, Matvælastofnun, Fiskistofa og Vinnueftirlitið – þær eru allar með þessar heimildir í dag – að þá væri réttað í þessu strax. Ekki að þeir geti verið að leika sér með upptökurnar og jafnvel klippa þær til og gera allan fjandann. Það er ekki hægt fyrir borgara að una því,“ segir Kristján.

Sjá má viðtalið við Kristján í heild sinni hér að neðan en Sjókastið er einnig aðgengilegt á helstu hlaðvarpsveitum.

Tengdar fréttir

Hvalveiðar

„Er kannski á leiðinni til okkar í hvalstöðina“

• „Ég var stöðugt að reyna að reka á eftir þessu“
• Alveg eins hægt að rökræða við stein
• Segir Stalínista hafa verið í matvælaráðuneytinu
• „Sorgartíðindi og högg fyrir nærsamfélagið“

» Fleiri tengdar fréttir

• Blogga um frétt