Öruggt þykir að fleiri en átta hundrað bátar fái strandveiðileyfi í sumar þó ekki sé búið að afgreiða allar umsóknir. Þetta upplýsir Fiskistofa.

Búið var að afgreiða 725 leyfi er Fiskistofa svaraði fyrirspurn 200 mílna en tæplega tvö hundruð umsóknir voru þó óafgreiddar. „Af þeim eru 78 sem bíða eftir að skip fái haffæri og munu strandveiðileyfi vera gefin út sjálfkrafa þegar haffæri er gefið út á skipið,“ segir í svari stofnunarinnar.

„Aðrar umsóknir krefjast meiri athugunar sérfræðinga og óvíst hvort þær uppfylli allar skilyrði.  Það er amk hægt að slá því föstu að u.þ.b 800 leyfi verði gefin út og rúmlega það.“

Frétt af mbl.is

Þurfa að finna mörg þúsund tonna kvóta

Óhætt er því að álykta að fleiri strandveiðibátar munu sækja á miðin í sumar en nokkru sinni fyrr, en veiðar hefjast að öllum líkindum 5. maí, enda almennur frídagur 1. maí og ekki heimilt að stunda strandveiðar á föstudögum.

Fram hefur komið í umfjöllun Morgunblaðsins að níu hundruð leyfi sem yrðu fullnýtt mundu krefjast 29 þúsund tonna veiðiheimildir í þorski miðað við fullnýtingu 48 veiðidaga og meðalafla í róðri á síðasta ári. Ljóst er nú orðið að ekki allir fái veiðiheimildir og því verði þátttakan rúmlega 800.

Ýmsir þættir geta dregið úr sókn svo sem veður eða bilun véla eða búnaðar. Ef gert er ráð fyrir 810 bátum sem nýta 35 veiðidaga að meðaltali og landa 680 kíló af Þorski í róðri eins og á síðasta ári, mun þurfa að ráðstafa veiðunum veiðiheimildir fyrir rúmlega 19 þúsund tonnum af þorski.

Tengdar fréttir

Strandveiðar

Aflatölur fyrir áhrifum kerfisvillu

• Hjónin saman á strandveiðum
• Fyrirséð að takmarka þurfi magn
• Strandveiðar hefjast og 775 með leyfi
• Trillukarlar brosa nú allan hringinn

» Fleiri tengdar fréttir

• Blogga um frétt