Hæstiréttur hefur hafnað því að taka upp mál Sveins Geirs Arnarsonar, skipstjóra frystitogarans Júlíusar Geirmundssonar, sem stefnt var af skipverja sem smitaðist af Covid-19 í veiðiferð.

Taldi skipverjinn að Sveinn hefði sýnt af sér stórfellt gáleysi með því að hætta ekki við veiðiferðina í kjölfar veikinda um borð í bátnum. 22 af 25 skipverjum smituðust af Covid-19.

Skipstjórinn var sakfelldur í héraði fyrir brot á sjómannalögum og fyrirmælum sóttvarnaryfirvalda. Hann var hins vegar sýknaður í Landsrétti.

Skipverjinn leitaði áfrýjunarleyfis hjá Hæstarétti en hafði ekki erindi sem erfiði. Hæstiréttur sendi frá sér ástæður þess að leyfisbeiðni er hafnað. Þar er sagt að ekki verði séð að dómur Landsréttar sé bersýnilega rangur eða varði sérstaklega mikla hagsmuni skipverjans.

Tengdar fréttir

Covid-veikir skipverjar á Júlíusi Geirmundssyni

Skipstjórinn á Júlíusi Geirmundssyni sýknaður

• Skipstjóri sakfelldur vegna Covid-smits skipverja
• Segir óhugsandi að útgerðin hafi ekki ráðið för
• Sviptur skipstjóri á Júlíusi ráðinn stýrimaður
• Ekki ljóst hvort allir nái heilsu á ný

» Fleiri tengdar fréttir

• 1 blogg um fréttina

Bloggað um fréttina

• Arnar Þór Jónsson: Sjúklingur settur í fangaklefa