Hafrannsóknastofnun leggur til að ekki verði veitt meira en 460 tonn af rækju við Snæfellsnes á tímabilinu 1. maí 2025 til 15. mars 2026. Það er 23% aukning í ráðlögðum hámarksafla frá fyrra tímabili.

Þetta kemur fram í nýrri ráðgjöf Hafrannsóknastofnunar, en þar er einnig lagður til 460 tonna upphafskvóti vegna veiðitímabilsins 1. maí 2026 til 15. mars 2027.

Þá er vísitala veiðistofns sögð yfir aðgerðamörkum og varúðarmörkum, auk þess sem veiðiálag er fyrir neðan kjörsókn en landað hefur verið minna magn en úthlutaður kvóti er fyrir af rækju við Snæfellsnes síðan 2017.

Stærsti hluti stofnsins er kynþroska dýr og er lítið magn ungrækju sagt benda til þess að lítið sé vitað um nýliðun og rek lirfa frá nálægum svæðum.

„Lítið fékkst af þorski og ýsu 2 ára og eldri í stofnmælingu rækju við Snæfellsnes árið 2025. Mikið hefur verið af 1 árs ýsu frá árinu 2020. Skylda er að nota fiskiskilju við veiðarnar og er brottkast fisks talið óverulegt,“ segir í ráðgjafarskjali Hafrannsóknastofnunar.

Tengdar fréttir

Rækjuveiðar

Leggja til enga rækjuveiði í Ísafjarðardjúpi

• Óbreytt ráðgjöf rækju við Snæfellsnes
• Leggja til engar veiðar á rækju í Djúpinu
• Lækka rækjuráðgjöf en aldrei meiri ýsa á svæðinu
• „Það er búin að vera mokveiði“

» Fleiri tengdar fréttir

• Blogga um frétt