Ísfélag hf. hefur selt Heimaey VE og mun skipið mun halda úr heimahöfn í Eyjum í sinn síðasta túr um klukkan átta í kvöld. Kaupandinn er norska félagið Andrea L AS og verður skipið afhent nýjum eigendum í Måløy í Vestur-Noregi í næstu viku.

Áhöfn Heimaeyjar mun færast yfir á skoska uppsjávarskipið Pathway sem Ísfélagið hefur fest kaup á og verður afhent í lok maí í Skagen í Danmörku. Það skip fær nafnið Heimaey og er gert ráð fyrir að það verði komið til Vestmannaeyja fyrir sjómannadag, að því er segir í tilkynningu á Facebook-síðu Ísfélagsins

Frétt af mbl.is

Hafa fest kaup á skosku uppsjávarskipi

Skipið hefur reynst vel á allan hátt í þau þrettán ár sem skipið hefur verið gert út af Ísfélaginu, er haft eftir Eyþóri Harðarsyni útgerðarstjóra í tilkynningunni.

Samningur um smíði skipsins var undirritaður 2007 við skiðasmíðastöðina Asmar Talcahuano í Síle en afhending skipsins tafðist vegna gríðarlegs jarðskjálfta sem skók Síle 2010. Var skipið afhent 2012 og er það 63,27 metra á lengd og 2.186 brúttótonn.

Annað skip Ísfélagsins, Suðurey VE, hefur einnig verið í söluferli en ekki hefur verið gengið frá sölu þess skips.

Frétt af mbl.is

Nýtt skip Ísfélagsins sjósett í Síle

Tengdar fréttir

Ísfélag hf

Hafa fest kaup á skosku uppsjávarskipi

• Ísfélagið í stórræðum á Þórshöfn
• Fjárfesta í pökkunarlausn frá Marel
• Bókfæra mikinn hagnað eftir skráningu
• Átakanlegt að missa fyrirtækið úr bænum

» Fleiri tengdar fréttir

• Blogga um frétt