Þeir sem fylgst hafa með löndunartölum strandveiðibáta á gagnasíðum Fiskistofu hafa eflaust klórað sér í hausnum undanfarið þar sem tölurnar sem þar birtast virðast ekki standast skoðun. Fiskistofa upplýsir að villa hafi verið í kerfum stofnunarinnar.

Er blaðamaður rýndi í tölur um alfa strandveiðibáta í morgun sást að stakur bátur hafði náð að landa heilum 1.593 kílóum umfram heimilaðan heildarafla. Vakti það athygli að slíkt væri mögulegt þar sem flestir bátar hafa aðeins náð tveimur veiðidögum í vikunni sökum veðurs.

Samkvæmt skráningu Fiskistofu hefur báturinn landað fjórum sinnum, tvisvar 5. maí og tvisvar 6. maí. Virðist sem um tvítalningu að ræða en þrátt fyrir slíkt nemur tvítalinn umframafli bátsins 294 kílóum en ekki 1.593 eins og skráð er.

Augljóst þykir að skráður umframafli er ekki í samræmi við heildartöluna. Skjáskot

Langt umfram en samt ekki

Þá má sjá þrjá báta landa meira en tonni af þorski í róðri en enginn, eða mjög lítill, umframafli skráður þrátt fyrir að hámarksafli sé 650 þorskígildiskíló í róðri.

Þorksígilidisstuðullinn fyrir þorsk er 1 (einn) og er því ljóst að eitthvað bogið sé við að bátur geti skráð 1.360 kíló af þorski í stakri löndun og aðeins 60 séu skráð umframafli.

Bátar eru skráðir með tvöfalt meiri afla í þorski en leyfilegt er en engan eða lítinn umframafla. Skjáskot

Meðal heildarafli strandveiðibáta í róðri er skráð í kerfi Fiskistofu 573 þorskígildikíló, en miðað við skráðan heildarafla eftir tegundum og gildandi þorskígildisstuðlum er meðal heildarafli strandveiðibátanna 679 þorskígildi í róðri. Enda hefur Fiskistofa sjálf talið fram 16,6 tonn af umframafla. Óvíst er þó hvort það sé rétt talið.

Leitað var skýringa Fiskistofu á þessum augljósu göllum. „Það er villa í kerfunum sem verið er að lagfæra, vonandi tekst það fljótlega,“ segir í svari stofnunarinnar.

Tengdar fréttir

Eftirlit með veiðum

Álag á kerfi vegna gagnamagns

• Vildu nafnleynd í leyfissviptingum
• Stórfellt gáleysi leiddi til sviptingar
• Svipta Júlíu veiðileyfi vegna brottkasts
• Skilaði ekki aflaupplýsingum í 22 skipti

» Fleiri tengdar fréttir

Strandveiðar

Hjónin saman á strandveiðum

• Fyrirséð að takmarka þurfi magn
• Strandveiðar hefjast og 775 með leyfi
• Trillukarlar brosa nú allan hringinn
• Öryggisapp frítt á strandveiðum

» Fleiri tengdar fréttir

• Blogga um frétt