Hætta við milljarða króna málsókn gegn Eimskipum
Setja bókamerki
Eimskip segja að Alcoa Fjarðaál ætli að fella niður þriggja milljarða króna skaðabótamál gegn sér, aðeins örfáum dögum áður en það á að vera tekið fyrir í héraðsdómi.
Í tilkynningu segjast Eimskip hafa borist tilkynning frá Alcoa Fjarðaáli sf. þar sem upplýst er að Alcoa áformi að fella niður skaðabótamál gegn Eimskipum næsta þriðjudag, 27. maí, við fyrirtöku í héraðsdómi Reykjavíkur.
Engin tilkynning hefur borist frá Alcoa um niðurfellingu málsins og því er óljóst hvort, og hvers vegna, fyrirtækið sé að draga í land. Alcoa Fjarðaál sf. stefndi Eimskipafélagi Íslands og Samskipum árið 2024 vegna meints tjóns vegna samráðs skipafélaganna árin 2008-2013. Greint var frá samráði skipafélaganna árið 2023 en Eimskip játaði sök í samráðinu en Samskip neituðu.
Eimskip gerðu sátt við Samkeppniseftirlitið árið 2021 vegna samráðsins og greiddu 1,5 milljarða króna sekt vegna sáttarinnar.
Eimskip vísa í skýrslu frá júní 2024
Í málinu var krafðist Alcoa skaðabóta upp á rétt rúma 3 milljarða króna auk dráttarvaxta óskipt úr hendi Eimskipafélags Íslands hf., Eimskip Ísland ehf., Samskipa hf. og Samskipa Holding B.V.
Emskip sagði þá sem nú að fjárkrafa Alcoa hafi alfarið byggt á minnisblaði ráðgjafafyrirtækisins Analytica ehf., sem innihélt svonefnt frummat, frá 21. febrúar 2024.
Hagrannsóknir sf. yfirfóru umrætt minnisblað fyrir Eimskip og vann skýrslu um efni þess sem kom út í júní 2024. Þar kom fram að vankantar í minnisblaði Analytica ehf. væru „svo alvarlegir og ályktanir svo rangar að minnisblaðið væri í heild ónothæft sem mat á meintu tjóni“.
„Það var og er mat félagsins að ekkert tilefni hafi verið til málsóknar stefnanda, enda eru skilyrði skaðabótaskyldu ekki uppfyllt. Þá er ætlað fjártjón stefnanda og þar með fjárkrafan engum haldbærum gögnum studd.“
Samskip var upphaflega sektað um 4,2 milljarða króna vegna samráðsins en eftir áfrýjun var þeim aðeins gert að greiða 2,3 milljarða króna sekt auk 100 milljóna króna sektar fyrir brot gegn upplýsingaskyldu.
Leiðtogar bregðast við árásum Bandaríkjamanna
Finna burðardýrin á netinu
Bandaríkjunum verði svarað fyrir árásirnar
Notuðu vopn frá Íran og N-Kóreu: Minnst sjö létust
Hvalina mun reka inn á borð sveitarfélaga
Sakborningar í Gufunesmálinu neita allir sök
Trump hótar frekari árásum