„Afstaða okk­ar styrk­ist enn frek­ar og skýrist þegar í ljós koma nýj­ar upp­lýs­ing­ar sem gera það að verk­um að aug­ljóst er að það hafi ekki verið róið fyr­ir all­ar vík­ur í frum­varpi ráðherra og meðför­um meiri­hlut­ans á þing­inu,“ seg­ir Sig­urður í sam­tali við Morgunblaðið.

Sig­urður seg­ir að fram­sókn­ar­menn telji það vel koma til greina að hækka þessa gjald­töku með skyn­sam­leg­um hætti. „Til dæm­is væri gáfu­leg­ra að vera með þrepa­skipt­an tekju­skatt og taka þar af leiðandi hærri hlut af þeim fyr­ir­tækj­um sem vel ganga,“ seg­ir hann.

Sig­urður bæt­ir við að ein af af­leiðing­um frum­varps­ins sé að vinnsl­an flytjist úr landi með ein­hverj­um hætti. „Auðvitað ekki einn tveir og þrír en á ein­hverju tíma­bili gæti það gerst,“ seg­ir hann.

Guðrún Hafsteinsdóttir formaður Sjálfstæðisflokksins tekur undir gagnrýni Sigurðar Inga.

„Eðli málsins samkvæmt hef ég verið varfærin í ummælum mínum um veiðigjöld síðustu daga, enda hafa staðið yfir viðræður um þinglok og mikilvægt að vanda til verka í slíkum samningum. Hins vegar liggur mín afstaða og afstaða Sjálfstæðisflokksins skýr fyrir, bæði í greinaskrifum mínum síðustu vikur, í ræðum mínum á Alþingi og í störfum flokksins í meðferð málsins.

Sjálfstæðisflokkurinn getur ekki og mun ekki samþykkja skattahækkanir af þessu tagi. Það er hluti af gildum okkar að standa vörð um atvinnulífið, hvar sem það er á landinu og óháð atvinnugrein, hvort sem um er að ræða sjávarútveg, ferðaþjónustu, iðnað eða aðrar stoðir verðmætasköpunar.

Þetta frumvarp er illa ígrundað, illa undirbúið og mun hafa alvarlegar afleiðingar fyrir byggðir landsins og framtíð íslensks atvinnulífs.“ 

Nánar má lesa um málið á bls. 6 í Morgunblaðinu og í Mogga-appinu í dag.

Tengdar fréttir

Veiðigjöld

SFS fordæma ákvörðun forseta Alþingis

• Telur ýjað að beitingu kjarnorkuákvæðisins
• Aðeins 17% þjóðarinnar andvíg veiðigjaldafrumvarpinu
• Hvetur alla til að lesa umsagnir um frumvarpið
• Grípur ekki smærri fyrirtæki

» Fleiri tengdar fréttir