Tegundirnar fimm sem fjallað er um eru síld, kolmunni, þorskur, ýsa og makríll.

Þrátt fyrir breytingu á aðferðafræði og fullyrðingu í frumvarpinu um að lagabreytingarnar hafi ekki áhrif á aðrar tegundir liggur fyrir að veiðigjald hækkar á þær flestar.

Sérstaklega er hækkunin mikil í tilfelli grálúðu, karfa, gulllax, ufsa og djúpkarfa.

Veiðigjald fjórfaldast

Í tilfelli bolfisktegunda er hækkunin tilkomin vegna þess að ráðherra ákvað að undanskilja afla frystiskipa útreikningi á veiðigjaldi, en í frumvarpinu segir ráðherra að áhrif þess yrðu líklegast til lækkunar. Á daginn hefur þó komið að áhrif þess eru einkum til hækkunar, eins og staðfest er í útreikningum Skattsins, sem birtir hafa verið á vef Alþingis, á veiðigjaldi eftir hinni nýju aðferð.

Taflan hér til hliðar sýnir veiðigjald á bolfisktegundum vegna ársins 2024 á því viðmiðunarverði og eftir þeim reikniaðferðum sem til stendur að afnema með lögunum, í samanburði við útreikning Skattsins á veiðigjaldi tegunda miða við hina nýju aðferð. Loks er hlutfallsleg breyting milli þessara tveggja aðferða sýndur.

Þar má sjá að veiðigjald á karfa hefði verið 39% hærra hefðu þær breytingar sem frumvarpið boðað verið í gildi í fyrra samanborið við núgildandi aðferð. Veiðigjald á ufsa 6% hærra og djúpkarfa 291% hærra, en það er fjórföldun á veiðigjaldi.

Þá hefur sú breyting að taka frystiskip út úr reiknistofni einnig þau áhrif að fjárfestingar í nýjum frystiskipum hafa ekki lengur áhrif á veiðigjald. Áhrif þess eru sýnilegust á grálúðu, þar sem veiðigjald verður 18,26 krónur og á gulllax 1,63 krónur.