Meiri hagnaður en gert var ráð fyrir

Gert er ráð fyrir að hagnaður Síldarvinnslunnar hf. fyrstu níu mánuði ársins verði nokkuð hærri en áætlanir gerðu ráð fyrir.

Í afkomuspá félagsins sem var lögð fram á fyrri hluta ársins var gert ráð fyrir að EBITDA-hagnaður samstæðu þess yrði á bilinu 78 til 84 milljónir Bandaríkjadala, eða um 9,8 til 10,5 milljarðar króna.

Endurskoðuð áætlun stjórnenda félagsins gerir nú ráð fyrir að EBITDA-hagnaður verði á bilinu 12 til 13 milljarðar króna.

„Helstu ástæður má rekja til betri afurðaverða en áætlanir gerðu ráð fyrir auk þess sem reksturinn hefur almennt gengið vel á árinu og veiðar verið að hluta umfram áætlanir,” segir í tilkynningu.

Félagið mun birta níu mánaða uppgjör 27. nóvember.

• Blogga um frétt