Björgunarskip bilaði þegar útkall barst

Á ellefta tímanum í morgun barst björgunarskipinu Hannesi Þ. Hafstein útkall vegna vélarvana báts úti af Garðskaga.

Í tilkynningu frá björgunarbátasjóði Suðurnesja segir að áhöfnin brást þegar við kallinu og hófst við að gera björgunarskipið klárt til brottfarar.

Við undirbúning ferðarinnar kom hins vegar í ljós bilun í rafbúnaði sem olli því að geimar skipsins voru tómir og vélar skipsins fóru ekki í gang. Áhöfnin brást hratt við biluninni og unnið er að því að koma skipinu í útkallshæft ástand á ný.

Safna fyrir nýju skipi

„Slíkar bilanir eru ekki óalgengar í eldri tækjum en atvikið undirstrikar mikilvægi þess að tryggja traustan og nútímalegan björgunarbúnað á svæðinu,“ segir í tilkynningunni. 

Björgunarbátasjóðurinn vinnur nú að stóru verkefni þar sem safnað er fyrir nýju björgunarskipi fyrir svæðið.

„Nýtt skip mun auka öryggi sjófarenda á Suðurnesjum til framtíðar og tryggja að björgunaraðgerðir geti farið fram hratt og örugglega við allar aðstæður.“

• Blogga um frétt