Sett inn: 10. jan.

Stofnun Árna Magnússonar í íslenskum fræðum

Verkefnistjóri á alþjóðasviði

Verkefnistjóri
á alþjóðasviði


Auglýst er til umsóknar starf verkefnisstjóra á alþjóðasviði Stofnunar Árna Magnússonar í íslenskum fræðum. Um er að ræða fullt starf. Æskilegt er að umsækjandi geti hafið störf 1. apríl 2019.
Á alþjóðasviði er lögð áhersla á að kynna íslenska menningu og tungu og rækta tengsl við náms- og fræðimenn á vettvangi íslenskra fræða hvarvetna í heiminum. Þar er umsjón með kennslu í íslensku og þjónustu við háskólakennara í íslensku við erlenda háskóla af hálfu íslenskra stjórnvalda.
Í starfinu felst meðal annars: að sinna daglegum þjónustuverkefnum og samstarfi við aðrar stofnanir innanlands og utan; að hafa umsjón með sumarnámskeiðum í íslensku; að hafa umsjón með íslenskukennslu við erlenda háskóla; að veita styrki til fræðimanna og erlendra nemenda; taka þátt í miðlunarverkefnum, t.d. utanumhaldi upplýsinga um sviðið á vef Árnastofnunar; að skipuleggja og undirbúa flutning í nýtt húsnæði.

 

Menntunar- og hæfniskröfur:

Umsækjendur skulu hafa meistarapróf í íslensku eða annað sambærilegt háskólapróf. Áhugi á að kenna útlendingum íslensku nauðsynlegur og reynsla af kennslu íslensku sem annars máls æskileg.

 

Aðrar hæfniskröfur:

  • góð tölvukunnátta er nauðsynleg
  •  
  • framúrskarandi íslenskukunnátta (bæði í ræðu og riti)
  • góð þekking á einu öðru Norðurlandamáli og ensku er nauðsynleg
  • kunnátta í öðrum tungumálum æskileg
  • nákvæmni, agi og frumkvæði í vinnubrögðum
  • rík skipulagshæfni og lipurð í mannlegum samskiptum

 

Umsækjendur skulu láta fylgja umsókn sinni vottorð um námsferil sinn og störf, svo og nöfn, símanúmer og netföng tveggja umsagnaraðila.
Laun eru samkvæmt kjarasamningi ríkisins og Félags háskólakennara.
Umsóknafrestur er til 23. janúar 2019 og skal umsóknum skilað á rafrænu formi á netfangið sigurborg.stefansdottir@arnastofnun.is eða til Stofnunar Árna Magnússonar í íslenskum fræðum, Árnagarði við Suðurgötu, 101 Reykjavík.
Nánari upplýsingar um starfið er að finna á starfatorg.is og hjá Úlfari Bragasyni, ulfar.bragason@arnastofnun.is.
Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin.

Staðsetning Höfuðborgarsvæðið
Starfssvið Skrifstofustörf Stjórnunarstörf Menning og listir
Starfshlutfall Fullt starf
Umsóknarfrestur 23. janúar
x