Forstjóri

Festi auglýsir starf forstjóra laust til umsóknar. Festi er eitt stærsta fyrirtæki landsins og leitar að öflugri manneskju sem býr yfir framsýni og krafti til að leiða félagið áfram inn í framtíðina. Frá samruna Festi og N1 árið 2018 hefur tekist að byggja upp leiðandi fyrirtæki í verslun og þjónustu á landsvísu. Þessi árangur hefur skilað hluthöfum góðri og stöðugri ávöxtun af fjárfestingu í félaginu sem er að stórum hluta í eigu lífeyrissjóða. Forstjóri stýrir daglegum rekstri félagsins í samvinnu við það öfluga starfsfólk sem hjá því starfar. Forstjóri mótar stefnu í samstarfi við stjórn og gegnir lykilhlutverki í aðlögun félagsins að síbreytilegu rekstrarumhverfi. Spennandi tækifæri eru framundan og má þar nefna umhverfismál, orkuskipti, stafræna umbreytingu, þróun fasteignasafns og lóða og vaxandi þátttöku félagsins í daglegu lífi hins mikla fjölda viðskiptavina þess.