Schumacher talaði um dá 1994
Setja bókamerki
Ökuþórinn Michael Schumacher vaknaði úr dái í vikunni, í fyrsta sinn frá því að hann lenti í skíðaslysi í desember í fyrra. Fréttir herma að Schumacher geti tjáð sig og að hann hafi kinkað kolli í sjúkrabíl á leið í endurhæfingu.
Schumacher, sem á að baki langan og glæstan feril í akstursíþróttum, sést í myndbandinu hér fyrir neðan tala um slysið sem dró Ayrton Senna til dauða. Fyrst eftir slysið var Senna í dái en hann lést vegna meiðsla nokkrum klukkutímum síðar.
Slysið varð 1. maí 1994 en seinna á því ári segir Schumacher: „Og jafnvel eftir kappaksturinn, þegar við vorum búnir, þá fórum við upp að verðlaunapallinum og Pasquale kom og sagði: „Já, hann er í dái.“
En við, ég meina, ég hafði heyrt um dá og maður veit aldrei. Að vera í dái getur þýtt svo margt. Það getur þýtt að það verði í lagi með mann daginn eftir eða það getur þýtt eitthvað mjög slæmt. En maður sker ekki úr um það því maður trúir því ekki að eitthvað alvarlegt hafi gerst.“
