Þróa öflugri háorkuhleðslustöðvar
Setja bókamerki
Renault Group og Nissan hafa fengið til liðs við ýmsa aðila um uppsetningu háorkuhleðslustöðva í Suður-Evrópu. Eiga þær að geta hlaðið rafhlöður rafbíla á styttri tíma en núverandi hleðslustöðvar sem almenningur hefur aðgang að á opinberum stöðum.
Um er að ræða E-VIA FLEX-E hleðslustöðvakeðjuna en fyrir hefur Renault Group átt í samstarfi við önnur tæknifyrirtæki sem komið hafa upp rúmlega 180 hleðslustöðvum í Norður-Evrópu.
Til að fjölga hraðar útbreiðslu rafbíla í Evrópu er ekki eingöngu talið nauðsynlegt að fjölga
hleðslustöðvunum heldur einnig að þróa stöðvar sem hlaðið geta rafhlöður bílanna á mun
styttri tíma en nú þekkist þannig að langferðalög á rafbílum verði alveg jafn sjálfsögð og
fyrirhafnarlaus og ferðalög á hefðbundnum bílum.
Fyrsta verkefni Renault og samstarfsaðila í E-VIA FLEX-E verður hrint í framkvæmd í lok þessa árs þegar settar verða upp nýjar fjórtán 150kW og 350kW háorkuhleðslustöðvar meðfram hraðbrautum á Ítalíu, Spáni og í Frakklandi. Kostnaður við verkefnið er um 6,9 milljónir evra.
Mikilvægt hlutfall rafhlaðanna
Samkvæmt rannsókn Evrópsku loftslagsstofnunarinnar og aðila í bílaiðnaði sem gerð var í
Frakklandi losa hreinir rafbílar tvisvar til þrisvar sinnum minna gróðurhúsaloft á líftíma sínum en dísil- og bensínbílar, jafnvel að teknu tilliti til mengunar sem hlýst af framleiðslu rafhlaðanna. Jafnframt kemur fram að eigi Evrópulöndunum í heild að takast að uppfylla ákvæði Parísarsáttmálans í loftslagsmálum verði að leita leiða til að draga úr útblæstri samgöngukerfisins í vöru- og fólksflutningum.
Þáttur rafhlaðanna
Mikilvægt þykir að draga úr neikvæðum umhverfisáhrifum sem stafa frá framleiðslu rafhlaða í rafbílum. Er árangursríkasta leiðin sú að halda áfram þróun þeirra með það að markmiði
að lengja drægi þeirra enn meira en nú er. Eftir því sem það eykst minnkar hlutfall neikvæðra
umhverfisáhrifa rafhlaðanna í stóra samhenginu. Nú stafa 40% af losun rafbíla af framleiðslu
rafhlaðanna og segir í skýrlsunni að miðað við hraða á þróuninni sé talið að unnt verði að lækka þetta hlutfall í 20-25% árið 2030.
