Mikið um dýrðir á bíladögum

Hátt í þrjú hundruð bílar tóku þátt í bílasýningu á Akureyri í dag sem batt endahnútinn á hina árlegu bíladaga í bænum sem voru haldnir um helgina þar sem mikið var um dýrðir.

Þorsteinn Ingólfsson vann til verðlauna fyrir athyglisverðasta bílinn, sem er af tegundinni Ford Fairlane 500 frá árinu 1967.

Í gærkvöldi var svo keppt í svokallaðri burnout-keppni. Þar bar Gunnlaugur „Túrbó“ Sigvaldason sigur úr býtum.