Mercedes boðar seríu hreinna rafbíla

Mercedes-Benz ætlar að hefja framleiðslu á seríu hreinna rafbíla sem nefndir verða Mercedes EQ. Árið 2022 verða 10 mismunandi rafbílamódel komin á götuna samkvæmt áformum fyrirtækisins, segir framkvæmdastjóri móðurfélagsins Daimler, Dieter Zetsche.

Mercedes hafði áður ætlað að fjárfesta í rafbílasmíðinni fyrir 10 milljarða evra en Zetsche segir að meiru fé hafi varið í þessu skyni.

Fyrsti hreini rafbíll Mercedes í nýju seríunni verður fjórhjóladrifinn jepplingur að nafni  EQC 400 4Matic, sem áður hefur verið kynntur. Er hann svar þýska bílrisans við I-Pace rafjeppa Jaguar og e-Tron rafjepplingi Audi, sem kynntur ferður fullbúinn síðar í september í San Francisco.

Mercedes EQC 400 rafbíllinn er á þróunarstigi og er vætanlegur ...
Mercedes EQC 400 rafbíllinn er á þróunarstigi og er vætanlegur á götuna 2020. Mikið er lagt upp úr ytri hönnun á þróunarbílnum.



Mercedes-Benz EQC mun einnig fá samkeppni frá hinum væntanlega iX3 rafjeppa BMW, Taycan frá Porsche og Model X jeppanum frá Tesla. Flestir þeirra munu kosta kringum 70.000 dollara í Bandaríkjunum.   

Mikið er upp úr hönnuninni lagt en vera má að EQC 400-bíllinn eigi eftir að taka breytingum - enda um þróunarbíl að ræða - fram að þeim tíma sem hann fer í fjöldaframleiðslu árið 2020.

Mercedes-Benz EQC 400 verður búinn 80 kílóvattstunda rafgeymi og tveimur rafmótorum sem skila munu allt að 402 hestöflum niður til hjólanna fjögurra. Topphraði  er áætlaður 180 km/klst og hröðunin úr kyrrstöðu í hundraðið 4,9 sekúndur.

Vinnuaðstaða ökumans Mercedes EQC 400 er ekki amaleg.
Vinnuaðstaða ökumans Mercedes EQC 400 er ekki amaleg.



Í Evrópuútgáfunni verður drægi EQC 400 um 450 kílómetrar, að því er fram kemur í 52 síðna fréttatilkynningu sem Mercedes-Benz sendi frá sér í dag. Taka mun um 40 mínútur við 110 kílóvatta hleðslustaur að hlaða geyminn að 80% hleðslu.  

Mercedes EQC 400 rafbíllinn er á þróunarstigi og er vætanlegur ...
Mercedes EQC 400 rafbíllinn er á þróunarstigi og er vætanlegur á götuna 2020. Óhætt er að segja að útlitið er kröftugt.
Aðeins tekur um 40 mínútur að hlaða tóman geymir í ...
Aðeins tekur um 40 mínútur að hlaða tóman geymir í 80%.
Aðeins tekur um 40 mínútur að hlaða tóman geymir í ...
Aðeins tekur um 40 mínútur að hlaða tóman geymir í 80%.
Mercedes-Benz EQC 400 kemur á götuna 2020. Hann verður fyrstur ...
Mercedes-Benz EQC 400 kemur á götuna 2020. Hann verður fyrstur í 10 módela rafbílaseríu sem Mercedes er með á teikniborðinu.





mbl.is