Bílauamboðið Brimborg verður með Peugeot stórsýningu í Brimborg á Akureyri á morgun, laugardaginn 9. febrúar, milli kl. 12-16 í sýningarsal fyrirtækisins við Tryggvabraut 5.
Stjarna dagsins verður nýr Peugeot 508, en öll jeppalína Peugeot verður á svæðinu; Peugeot 5008, Peugeot 3008 og Peugeot 2008.
Til viðbótar verða einnig Peugeot 208 og Peugeot Partner og Expert sendibílar.
„Við frumsýnum lúxusbílinn Peugeot 508 á laugardaginn á Akureyri. Nýr Peugeot 508 er sannkallaður lúxusbíll sem gerir engar málamiðlanir í hönnun og gæðum, hann er sportlegur og einstaklega glæsilegur. Peugeot 508 er tilnefndur sem Bíll ársins í Evrópu 2019,“ segir í tilkynnningu.
Þar segir ennfremmur að jeppalína Peugeot sameini gæði og glæsileika. Sterk hönnunin einkennist af hárri veghæð, lágri CO2-losun og einstöku ökumannsrými.