Allt í rafmagni hjá Peugeot

Rafbílavæðingin verður allsráðandi á bás Peugeot á bílasýningunni í Genf í næstu viku. Heimsfrumsýnir franski bílsmiðurinn þar tvö ný módel, Peugoet 208 og e-208, fimm dyra rafknúinn hlaðbak.

Þá verður teflt fram þróunartvinnbílnum 508 sem kemur í tveimur rafdrifnum útgáfum, Fastback stallbakur og sem langbakur. 

Peugeot hefur einsett sér að bjóða upp á rafútgáfu allrar bílalínu sinnar frá og með 2023. Frá þessum áformum verður nánar greint á sýningunni í Genf.

Ásamt því að svipta hinn hreina rafbíl Peugeot e-208 verða frumsýndar bæði bensín- og dísilútgáfur af hinum nýja 208 stallbak. Þá verður e-Legend hugmyndabíllinn í hásæti á bás Peugeot í Genf, en rafbíll þessi er að vissu marki afturhvarf til fortíðar í útliti Peugeotbíls. Í drifrás hans verður 100 kílóvatta rafgeymir og getur rafmótor hans miðlað allt að 340 kílóvöttum af afli til hjólanna fjögurra. Snerpan dugir til að koma bílnum upp á 100 km/klst ferð úr kyrrstöðu á aðeins fjórum sekúndum. Áætlað drægi Peugeot e-Legend verður um 600 kílómetrar á fullri rafhleðslu.