Toyota hefur nú í undirbúningi geimskot til tunglsins í samstarfi við japönsku geimferðastofnunina (JAXA).
Japanski bílsmiðurinn mun smíða sérstakt tunglsfarartæki sem ferðast mun um mánann við vísindarannsóknir og mælingar.
Áform þessi eru skammt á veg komin en tungljeppinn er einnig hugsaður til rannsókna á mars síðar meir.
Jafnþrýstiklefi verður í jeppanum og því munu geimfarar getað athafnað sig inni í honum tímunum saman án geimbúnings. Bíllinn verður rafknúinn.
JAXA áformar að senda menn til tunglsins á fjórða áratugnum en undanfari þess verður að skjóta jeppanum þangað árið 2029. Hann er á stærð við smárútu, sex metra langur, 5,2 metrar á breidd og 3,8 metrar í hæsta punkt.
Þrýstiklefinn verður 13 rúmmetrar og er þar rými fyrir tvær manneskjur til langferða og tvær til viðbótar í neyð.