Hekla blæs til hausthátíðar laugardaginn 21. september næstkomandi frá 12 til 16. Þar verða frumsýndir fimm nýir bílar, þar á meðal þrór tengiltvinnbílar sem ganga fyrir bæði rafmagni og bensíni, sem og metanbíl.
Beðið hefur verið eftir tengiltvinnbílnum Volkswagen Passat GTE frá í byrjun árs og er biðin nú á enda. „Nýr og endurbættur Passat GTE sameinar kosti rafmagnsbíla og bíla sem knúnir eru með bensíni. Tengiltvinndrifið fer hljóðlaust í gang á raforkunni einni saman en drægi hefur aukist um 30% sem hentar þá ennþá betur að aka eingöngu á rafmagni í hefbundnum akstri Íslendinga. Til viðbótar kynnir Volkswagen nýja útgáfu af stýrikerfi sem er aðgengilegt með WE snjallsímaforritun og nú í fyrsta skiptið möguleiki að fá aðgengi að bílnum og ræsa með snjallsíma í stað hefðbundins lykils,“ segir í tilkynningu.
Audi kynnir nýjasta rafknúna ökutækið; kraftmikinn og sparneytinn Q5 í tengiltvinnútgáfu. Í aflrás hans standa 376 hestöfl til boða og dregur bíllinn allt að 40 km á rafmagninu einu. Hann er með fyrirferðalítið hleðslukerfi og hlaðinn tæknibúnaði sem veitir aukin þægindi og styður við sparneytinn akstur. „Kraftmikið og hrífandi ytra útlit Audi Q5 TFSI e fellur vel inn í fólksjeppahönnun Audi og 18 tommu felgur, sem eru staðalbúnaður, með fimm arma túrbínuútliti styðja við þetta yfirbragð,“ segir í tilkynningunni.
Mitsubishi frumsýnir tvo nýja bíla; sportjeppann ASX og hinn vinsæla tengiltvinnbíl Outlander PHEV 2020. Í honum er stærra og öflugra stafrænt útvarp, nýtt og endurbætt hljóðkerfi en bíllinn býðst áfram á sama grunnverðinu. ASX hefur fengið glæsilega andlitslyftingu í stíl við nýjar og skarpar hönnunarlínur Mitsubishi og hann er einnig aflmeiri en áður. Vélin hefur stækkað úr 1,6 lítra slagrými í 2,0 lítra. Vélin er nú 150 hö í stað 122 hö og dráttargetan hefur aukist um 100 kg og er nú 1300 kg.
Skoda með metanbíl
Skoda nýtir tækifærið og frumsýnir formlega metanbílinn Octavia G-Tec með nýju sniði. Metanknúna útgáfan er jafnglæsileg, rúmgóð og snörp og þær bensínknúnu en uppfærður G-Tec er með tvo metantanka sem tryggir lengra drægi á innlendri orku. Octavia G-Tec tryggir fjölskyldum og fyrirtækjum frábæran vistvænan kost.
Auk frumsýningastjarna dagsins verður 20% afsláttur af öllum aukahlutum hjá Heklu og glæsilegir bílar prýða sali Heklu í hólf og gólf. Það verða léttar veitingar í boði ásamt rjúkandi kaffi frá Kaffitári og allir eru velkomnir.