Hinn kínverski eigandi bílsmiðsins MG (SAIC) áformar að hleypa nýju lífi í merkið með rafknúnum jeppa í Frakklandi.
Þar í landi munu vera á bifreiðaskrá alls 19.594 eintök af hinum opna og vinalega sportbíl, en um 15 ár eru frá því smíði MGF-bílsins var hætt. Flesta bílana er að finna á Parísarsvæðinu eða 2828, í Nouvelle-Aquitaine eru þeir 2358 og 2204 í Auvergne-Rhone-Alpes-svæðinu.
MG var breskt sportbílafyrirtæki en það fjaraði út árið 2005 og komst í eigu kínverska fyrirtækisins Nanjing Automobile Group. Reisti það smiðju í Nanjing og hóf framleiðslu á MGF-blæjubílum snemma árs 2007. Þraut það einnig örendi og hætti bílsmíðinni í Nanjing og Longbridge í Englandi eftir fjögur ár, 2011.
Nú er ætlunin að endurreisa þetta gamla og fornfræga bílmerki.