ÍSBAND sýnir alvörujeppa

RAM 3500 Mega Cab 40” breyttur til vinstri og til ...
RAM 3500 Mega Cab 40” breyttur til vinstri og til hægri er Jeep Wrangler Rubicon 37” breyttur.

ÍSBAND, umboðsaðili fyrir Jeep og RAM á Íslandi, efnir næstkomandi laugardag til sýningar á breyttum Jeep jeppum og RAM pallbifreiðum í sýningarsal sínum að Þverholti 6 í Mosfellsbæ.

Tvær frumsýningar eiga sér stað á jeppasýningunni. Annars vegar á Jeep Wrangler Rubicon og hins vegar á RAM 3500 með 40” breytingum.

Að auki verða sýndir Jeep Grand Cherokee með 33” og 35” breytingum og Jeep Wrangler með 35” og 37” breytingum.  RAM pallbílar með 35” og 37” breytingum verða einnig til sýnis. 

Allar þessar breytingar eru unnar af þjónustuverkstæði ÍSBAND, nema Jeep Grand Cherokee 35” breytingin er unnin af Arctic Trucks. 

ÍSBAND er með umboð fyrir amerísku breytingarfyrirtækin AEV, sem sérhæfir sig í breytingum fyrir Jeep Wrangler og RAM pallbíla og Terraflex fyrirtækið sem sérhæfir sig í breytingum á Jeep Wrangler.  Upphækkunarsett, demparar, brettakantar og felgur frá þessum fyrirtækjum er meðal þess sem sýningargestir geta séð á breyttu bílunum.

Sýningin verður opin frá klukkan 12 til 16.

mbl.is