Toyota hefur um dagana smíðað litla bíla en engan þó jafna lítinn og hugmyndabílinn sem fyrirtækið kynnti á alþjóðlegu bílasýningunni sem nú stendur yfir í Tókýó.
IQ-bíllinn var ekki svo galin hugmynd og ágætur til síns brúks. Nú boðar Toyota hins vegar mun minni bíl og alvaran með honum virðist mikil því hann er sagður koma á götuna í Japan þegar á næsta ári, 2020.
Á lengdina er bíllinn 2,495 metrar og 1,290 á breiddina, með öðrum orðum eru það eiginlega sömu mál ogTwizy.
Hraðafíklar verða seint ánægðir með nýja smábílinn því hann mun aldrei komast hraðar en sem nemur 60 km/klst. Þá verður drægi hans 100 km, sem er í minna lagi en auðvelt mun að tengja hann algengri heimilisinnstungu þegar ferð lýkur. Upplagður borgarbíll mætti segja.
Nafnið á bílnum er með ólíkindum og eiginlega í öfugu hlutfalli við smæð hans, en það hljóðar svo: Ultra Compact BEV Concept Model for Business. Kannski verður það eitthvað minna þegar hann kemur á götuna.