Nýr og umdeildur Ferrari

Viðeigandi vettvangur og gerist vart ítalskari. Ferrari frumsýndi Roma við …
Viðeigandi vettvangur og gerist vart ítalskari. Ferrari frumsýndi Roma við spænsku tröppurnar í Róm.

Stíll hins nýja bíls er óneitanlega fagur þótt deildar meiningar séu um það í röðum áhugamanna um Ferrari. Annar helmingur þeirra segir hér á ferðinni fyrsta fallegi bíllinn um langt árabil sem rennur af færiböndunum bílsmiðjunnar í Maranello.

Hinn helmingurinn er á því að Ferrari Roma sé allt of líkur þeim bílum sem Aston Martin framleiðir.

Í vélarhúsi Roma er að finna 620 hestafla V8 TT-vél og munu herlegheitin í heild sinni kosta rúmlega 200.000 evrur, eða vel á þriðja tug milljóna íslenskra króna. Að sögn Ferrari munu fyrstu Roma-sportbílarnir koma á götuna síðsumars á næsta ári.

Tvö lítil aftursæti eru í bílnum og mætti þar troða grannvöxnum farþegum eða farangri. Framsætin eru alveg sjálfstæðir „stjórnklefar“ búnir stjórnskjáum með öllum upplýsingum um aksturinn og starfsemi bílsins.

Ferrari Roma er fimmti nýi bíllinn sem Ferrari kynnir í ár og einn af fimmtán nýjum sem koma munu á götuna frá Ferrari fram til ársloka 2022. Bílnum er sér í lagi ætlað að höfða til ungs fólks og afla Ferrari nýs hóps kaupenda. Meðal keppinauta Roma gætu verið bílar á borð við Porsche 911, Aston Martin DB11 og McClaren GT.

Ferrari mun framleiða um 10 þúsund bíla í ár eða fleiri en nokkru sinni áður. agas@mbl.is

Ferrari frumsýndi Roma í Róm.
Ferrari frumsýndi Roma í Róm.
Ferrari frumsýndi Roma við spænsku tröppurnar í Róm.
Ferrari frumsýndi Roma við spænsku tröppurnar í Róm.
Ferrari Roma.
Ferrari Roma.
Viðeigandi vettvangur og gerist vart ítalskari. Ferrari frumsýndi Roma við …
Viðeigandi vettvangur og gerist vart ítalskari. Ferrari frumsýndi Roma við spænsku tröppurnar í Róm.
Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur: