Í fyrsta sinn í sögu sinni hefur breski lúxusbílaframleiðandinn Rolls-Royce selt yfir fimm þúsund bíla á einu ári.
Uppgjör ársins 2019 leiddi í ljós 5.152 bíla sölu sem var rúmlega 25% aukning frá árinu áður.
Stærsti markaður Rolls-Royce í Norður-Ameríku en þar hefur eftirspurn eftir Cullinan módelinu verið einkar öflug.
Síðustu Ghost-eintökin voru smíðuð á nýliðnu ári og er arftaka þess módels að vænta á síðasta fjórðungi ársins 2020.
Af hálfu Rolls-Royce er gengið út frá því að vöxturinn í sölunni verði mun minni í ár.