Frumsýna glænýjan Peugeot 3008 tengiltvinnbíl

Brimborg frumsýnir glænýjan og sparneytin Peugeot 3008 tengiltvinnjeppa sem búinn er 300 hestafla vél með 8 gíra sjálfskiptingu og 5 ára ábyrgð. Peugeot 3008 hefur slegið í gegn á Íslandi og nú kemur hann fjórhjóladrifinn í tengiltvinnútgáfu með drægi á rafmagninu einu allt að 59 km, snögga rafhleðslu og 8 ára ábyrgð á rafhlöðu.

Frumsýningin fer fram laugardaginn 1. febrúar í höfuðstöðvum Brimborgar við Bíldshöfða í Reykjavík og á Tryggvagötu 5 á Akureyri, klukkan 12 til 16.

Peugeot 3008 PHEV er með 13,2 kWh rafhlöðu og drægii hennar skv. WLTP mælingu í 100% rafmagnsstillingu er 59 km í fjórhjóladrifsútgáfunni. Rafhlaðan er staðsett undir aftursætinu og hefur því ekki áhrif á farþega- eða skottrými. Aðgerðin „e-SAVE“ gerir ökumanni kleift að spara rafmagn til síðari nota t.d. ef þarf að aka á svæði sem eingöngu er ætlað fyrir rafmagnsbíla.

„Það er einfalt og fljótlegt að hlaða nýjan Peugeot 3008 PHEV. Hægt er að fullhlaða heima eða í vinnu á innan við 2 tímum með 7,4 kW hleðslustöð. Einfalt er að hafa yfirsýn með hleðslunni með MyPeugeot Appinu. Bensíneyðsla í blönduðum akstri er aðeins 1,6l L/100 km. og CO2 losun aðeins frá 33 gr per km skv. WLTP mælingu.

Kosturinn við tengiltvinntæknina er að geta ekið á rafmagni í öllum venjulegum akstri án þess að hafa áhyggjur af rafmagnsleysi því tengiltvinntæknin býður upp á einstaka drægi með blöndu af rafmagni og bensíni og 22 cm veghæð opnar marga möguleika,“ segir í tilkynningu.

Nýjasta bíltækni

Peugeot 3008 sportjeppinn er margverðlaunaður, ríkulega búinn og hefur fengið sérstakt lof fyrir einstaka hönnnun utan sem innan, þar sem nútímaleg i-Cockpit innrétting er í lykilhlutverki með nýjustu kynslóð af bíltækni. Birtast allar upplýsingar um virkni bílsins í sjónlínu ökumanns.

Sala tengiltvinnjeppa hefur farið vaxandi víða um heim og því verður takmarkað magn í boði á Íslandi. Brimborg hefur tryggt sér  ákveðinn fjölda bíla sem eru nú til sölu í nýjum vefsýningarsal á brimborg.is. Hefur forsalan farið feikivel af stað, að sögn Brimborgar

Í fyrstu verður Peugeot 3008 tengiltvinnjeppinn í boði í GT
útfærslu hlaðinn staðalbúnaði. Hann er knúinn áfram af annars vegar bensínvél og hins vegar tveimur rafmótorum sem skila samanlagt 300 hestöflum; miklu afli og einstökum aksturseiginleikum, að sögn bílaumboðsins.

Peugeot 3008 PHEV fjórhjóladrifinn kostar frá 6.130.000 kr.